Discografia
Cantos da ialma
1-Muiñeira de Mos
2-Bonequiña
3- Cantos da Ialma
4-Brigan Vals
5- No Mar Heite Amar
6- Ostara in Gallaecia
7- Saudades
8 – Miña Nai
9- Desexo Inesperado
10- Muiñeira de Chisco
11- Alborada Camiño da Rosa
12- A Illa das Bágoas
Muiñeira de Mos
No ano 2013 Xulio Lorenzo presenta no festival “BailaMos” a muiñeira adicada ó seu pobo, a cal o fai saír en medios de comunicación dándolle así, ese pequeno empurrón necesario para aparecer no panorama musical galego. Nesta gravación a Muiñeira vai seguida da “Danza de Alfacuca” composta tamén por Xulio Lorenzo e adicada con moito agarimo o seu amigo gaiteiro Juan “O Chapela”.
Bonequiña
Unha das melodías que máis cariño e amor leva nas súas notas é Bonequiña. A canción con matices da terra, que ven podería ser interpretada como unha pandeirada galega, está adicada a súa filla. Nela, Xulio busca as primeiras referencias musicais da súa infancia, pandeiradas, muiñeiras, foliadas….mesturadas con gran sabedoría á temática máis actual da nosa música.
Cantos da Ialma
Para Xulio todos os cantos saen de aí, este traballo significa iso, o que sae de dentro, do corazón, da ialma… os sentimentos expresados coas melodías. Gracias a Arume de Guizán polas letras.
…Moza que estas na ventana …Tres días hai que non como
Coa punta do pano fora Senon unha laranxiña
Inda non che vin a cara Para tela boca doce
E o paño xa me namora… Para che falar meniña…
…Que altiña vai a lúa … Ti telos olliños pillos
Debaixo da tu eira Inda agora reparei
Que noite tan pequeniña. Se che reparara iantes
Para estar a túa veira… Non amaba a quen amei…
Brigan Vals
No ano 2015 Xulio foi convidado polo grupo folk napolitano Brigan a participar nun “tour” polo sur da Italia. Unha semana incrible de concertos, gravacións, anécdotas e paisaxes marabillosas. Como agasallo a súa gran amizade Xulio Lorenzo compuxo este “Brigan Vals”, no cal conseguiu a participación a distancia de Franccesco Di Cristofaro director do grupo Brigan.
Colaboración especial: Franccesco Di Cristofaro.
No mar heite amar
Este tema estreouse nun dos santuarios musicais das Rías Baixas, “O Muiño Vello” de Delio, en Reboreda. O encargado de poñer título a esta canción foi o numeroso público que asistiu a aquela máxica velada. As suxestións facían referencia ó mar e ó amor, de aí o seu nome.
Ostara in Gallaecia
Contar con un dos mellores gaiteiros do momento de Galicia é para Xulio unha das maiores experiencias que nunca podería imaxinar. O gran Marcos Campos únese a él nunha mestura de sons que nos fan viaxar a través das harmonías de Irlanda e Galicia, lembrando como serían as orixes dos rituais celtas.
Colaboración especial: Marcos Campos, Marisé Balado
Saudades
Saudades é un tema que consegue transportar a Xulio a moitos momentos da súa vida. A saudade é definida por Manoel de Melo (escritor portugués de 1660) un “ben que se padece e mal do que se gosta” ese sentimento tan noso que nos fai sentir alegría na máis escura tristeza e viceversa. Adicado a todos nos que nalgún momento formaron parte da súa vida e hoxe tristemente non estan entre nós.
Colaboración especial: Bieito Romero.
Miña nai
Miña nai, miña naiciña, unha das coplas con máis sentimento do Cancioneiro Popular Galego. Esta versión vai adicada con todo cariño a miña nai, miña naiciña…Julia
“Miña naiciña querida “Miña mai como é tan probe
Como miña nai ninguna i non ten pan que me dare
Que me quentou a cariña éncheme a cara de bicos
Co calorciño da súa.” i logo rompe a chorare.”
“Miña nai miña naiciña
Como miña nai ningunha
Cantas veces me cantaches
Cando me puñas na cuna.”
Desexo inesperado
O tema máis internacional e curioso deste disco. Internacional por estar composto entre dous continentes e tres países distintos, curioso porque compúxose nos aeroportos ó volver da xira polo Brasil. A inspiración algunhas veces aparece nos lugares máis… inesperados.
Muiñeira de Chisco (de Preiras)
De todos é sabido que unha boa muiñeira luce con grandes bailadores, para Xulio o máis grande bailador é sen dúbida algunha, Chisco de Preiras, profesional, dedicado e apaixonado polo baile tradicional galego. Con todos estes antecedentes non podía faltar no repertorio esta alegre e divertida muiñeira adicada a este gran amigo, Chisco de Preiras.
Alborada Camiño da Rosa
O camiño de Santiago transcorre polo municipio de Mos, coa súa emblemática festa de Rosa (13 de Xuño), a Rosa de Quirós que aparece no escudo dos marqueses de Mos. Desa mestura de festa e camiño nace a “Alborada Camiño da Rosa” estreada por máis de oitenta gaiteiros o 27 de Xuño de 2014. Nesta gravación participa a Banda de Gaitas Xarabal de Vigo, da que orgullosamente formou parte Xulio Lorenzo en 1998.
Colaboración especial: Banda Gaitas Xarabal.
A Illa das bágoas
San Simón, a Illa da Memoria, considerada un dos centros penitenciarios máis temidos da Guerra Civil, foi inspiración para este tema o cal escribe a letra a poetisa de terras do Morrazo, quen sabe se descendente do mesmo Joâo de Cangas, Lara Boubeta Bamio. Xulio pon a voz e Pedro Fariñas coa gaita de Sol e o Mestre Alberto Vilas co seu piano acompañan a melodía.
Colaboracións especiais: Alberto Vilas, Pedro Fariñas. Letra: Lara Boubeta Bamio.
“Berrando no medio do mar, Danzan as mozas preto da ría
privados de toda vondade, cos ollos cheos de saudades
ninguen poderá calar unense os nenos a melodía
o desexo de liberdade…. coa música pola liberdade…
No máis profundo da ialma, Baila a marea bicando a Illa
lonxe de ser fusilados co sangue tinguindo a praia
o sentimento de pertenza non se esquece o berro da Vila
a terra de corazón morado… pois se escoita…cando soa a Gaita”
Chora o vento, o vento do norte
que só pode ser escoitado
nos folgos daquel gaiteiro
co seu chorar no punteiro…
Puedes adquirirlo en la Tienda ONLINE*